Një plagosje me armë zjarri ka ndodhur sot rreth orës 15:30 në Bardhosh të Prishtinës, ku dy persona kanë mbetur të plagosur.

Policia e Kosovës ka njoftuar se lidhur me rastin është arrestuar një person në cilësinë e të dyshuarit, shkruan Gazeta Online Reporteri.net.

Policia po ashtu bën të ditur se është konfiskuar edhe një armë zjarri.

“Lidhur me rastin e gjuajtjes me armë zjarri i cilësuar si “ Vrasje në tentativë”, të ndodhur sonte rreth orës 15:20, në Bardhosh të komunës së Prishtinës, si rezultat i veprimeve dhe hetimeve të shpejta policore është arrestuar një person në cilësinë e personit të dyshuar. Pjesë e operacionit policor ka qenë bastisja e dy lokacioneve, që ka rezultuar me konfiskimim e një arme të zjarrit e cila është konfiskuar në cilësi të provës materiale”, thuhet në njoftim.

Ndryshe, zëdhënësi i Policisë Agron Borovci ka konfirmuar për Gazetën Online Reporteri.net se të plagosurit janë qëlluar nga persona aktualisht të panjohur.

“Ndërkohë që viktimat janë dërguar në QKUK për të marrë trajtimin e nevojshëm mjekësor, hetuesit policor kanë nisur një hetim me qëllim të sqarimit të të gjitha rrethanave që karakterizojnë rastin si dhe identifikimin e të dyshuarve të mundshëm”, ka bërë të ditur Borovci. /Reporteri.net/