Policia e Kosovës ka arrestuar një person për vrasje dhe grabitje, i cili kërkohej me urdhërarrest të lëshuar nga Gjermania.

Përmes një komunikate për media, bëhet e ditur se me urdhër të prokurorit kujdestar, i njëjti është dërguar në ndalim policor për 48 orë, raporton gazeta online Reporteri.net.

“Policia e Kosovës, gjegjësisht njësiti (FAST Kosova), me mbështetje të Njësisë elite FIT, sonte më 17.10.2024, në orët e mbrëmjes në Mitrovicë ka arrestuar një person të kërkuar me urdhërarrest ndërkombëtar nga shteti gjerman, nën dyshimin e kryerjes se veprave penale, ‘vrasje’ dhe ‘grabitje’”, thuhet në njoftimin e Policisë.

Në përfundim thuhet se Policia e Kosovës mbetet e përkushtuar në realizimin e detyrave dhe autorizimeve ligjore në parandalimin dhe luftimin e të gjitha llojeve të krimit.

/Reporteri.net/.