Sot në Prishtinë është arrestuar një person, pasi i njëjti po kërkohej nga Gjykata dhe ishte i dënuar me dy vite burgim, shkruan Gazeta Online Reporteri.net.

Sipas njoftimit, ai është i dënuar për veprat penale mashtrim dhe prezantim i rremë.

Komunikata:

Arrestohet një person që kërkohej me urdhëresa të Gjykatës

Sot nga njësite të stacionit policor Veriu në Prishtinë është arrestuar një person i cili kishte aktive shtatë urdhëresa të gjykatës.

Personi i dyshuar:

XH. P, Mashkull, shtetas i Republikës së Kosovës, kërkohej pasi që i njëjti është dënuar me burgim (mbi dy vite), për veprat mashtrim dhe prezantim i rremë.

Pas përfundimit të procedurave të nevojshme policore, personi i dyshuar është dërguar për vuajtje të dënimit.