×
  • Lajme
  • Lajme

    Arrestohet personi që i theu derën e banesës serbes së kthyer në Gjakovë

    Reporteri
    30 Korrik 2021 | 23:28

    Një person është arrestuar nga Policia e Kosovës në Gjakovë nën dyshimin se ka thyer derën e shtëpisë së Dragica Gashiqit, serbes e cila në fillim të qershorit është bërë serbja e parë që është kthyer në këtë qytet.


    Zëdhënësi i Policisë së Kosovës në Gjakovë, Nusret Xhurkaj, konfirmoi për Gazetën Online “Reporteri.net”, se i dyshuari e ka pranuar veprën në prani të avokatit të tij.

    “I dyshuari në rastin e D.Gashiq është arrestuar. Në prezencë të avokatit ai e ka pranuar veprën. Ai është në ndalim policor për 48 orë”, tha Gjurkaj.

    Tri ditë më parë Gashiq ka lajmëruar në Polici se në banesë I mungojnë sendet e saj personale, ushqimi, kamera e sigurisë dhe pajisja e internetit.

    Në fund të qershorit, Gashiq ka bërë përpjekje ta ndryshojë derën e jashtme të banesës dhe ta zëvendësojë atë me një të blinduar, por policia nuk e ka lejuar ta bëjë këtë, me arysetimin se duhet të marrë leje komunale për diçka e tillë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!