Asamblisti nga radhët e LDK-së në Suharekë, Bashkim Ndrecaj është i ftuari i radhës nga Gjykata Speciale.

Ndrecaj para pak minutash është nisur për në Hagë, ku nesër me 21 maj pritet të dëshmojë për ngjarje të ndodhura gjatë luftës së fundit në Kosovë, raporton lajmi.net.

Pak para nisjes për në Hagë ai ka folur për lajmi.net, ku ka thënë se është duke udhëtuar pa avokat

“Nesër paraqitem ne Zyrat e Specializuara në orën 09:00. Udhëtoj i vetëm dhe pa avokat”, ka thënë Ndrecaj.

Ndryshe Ndrecaj është bashkëluftëtar i Remzi Shalës, i cili po ashtu është i ftuar nga Specialja, por që është arratisur nga Kosova dhe ka refuzuar që t’i përgjigjet ftesës së kësaj gjykate.