Disa aktivistë kundër shtrenjtimit të rrymës, kanë bllokuar nga mëngjesi i së mërkurës Zyrën e Rregullatorit të Energjisë.

Ata kanë thënë se bllokimi do të vazhdojë deri në zotimin publik nga ZRRE se nuk do ta miratojë rritjen e çmimit të rrymës për 15 përqind.

“ZRRE-ja është në bllokadë. Bllokimi do të vazhdojë deri në zotimin publik nga ZRRE se nuk do ta miratojë rritjen e çmimit të rrymës për 15%. Vetëm atëherë mund t’i kthehen punës”, thuhet në lajmërimin e tyre në Facebook.

Gjatë ditës së djeshme kryetari i Bordit të Zyrës së Rregullatorit të Energjisë, Ymer Fejzullahu tha se vendimi për tarifa të reja pritet të merret më 11 shkurt.

“Jo, ende nuk është marrë vendimi. Në fuqi mbesin tarifat ekzistuese. Vendimi pritet të merret më 11 prill. Varësisht se si vendos bordi, ato mund të hyjnë në fuqi retroaktivisht nga 1 prilli ose nga 1 maji, kur është edhe periudha e faturimit, pasi që s’ka kuptim që kjo të bëhet në gjysmë të muajit”, tha Fejzullahu. /Reporteri.net/