Bujar Bukoshi, ish-kryeministër i Kosovës në mërgim, ka vdekur të martën në moshën 78-vjeçare.

Agjencia e lajmeve, Assiociated Press  shkruan se Bukoshi ka vdekur Gjermani, ku po trajtohej për kancer dhe merrte mbështetje financiare nga qeveria shqiptare, sipas familjes së tij.

Bukoshi përballej me probleme të theksuara shëndetësore qe një kohë të gjatë.

Ai ishte pjesëmarrës aktiv i lëvizjes politike për pavarësinë e Kosovës. Ai ishte kryeministër i Kosovës në mërgim nga viti 1991 deri në vitin 1999.

Bukoshi ishte ndër themeluesit e Lidhjes Demokratike të Kosovës dhe pas pavarësimit të vendit mbajti disa poste politike, si deputet i Kuvendit të Kosovës, ministër i Shëndetësisë dhe zëvendëskryeministër.

Ai ka lënë pas gruan dhe tri vajza. /Reporteri.net/