Ish-kryeministri Avdullah Hoti ka numëruar dështimet e Qeverisë Kurti në ekonomi, dhe vendimet që sipas tij po e rëndojnë jetën e qytetarëve të vendit.

Ai përmes një postimi në Facebook, ka përmendur paralajmërimin për rritjen e energjisë për 14% nga muaji prill, rritjen e faturave të tatimit në pronë, mungesën e guvernatorit të BQK-së, ndërsa ka ironizuar duke thënë se “me rëndësi është po vazhdon vala 62 e privatizimit”, shkruan Reporteri.net.

Postimi i plotë i tij:

Nga 1 prilli rriten për 14% faturat e energjisë.

Nga 1 janari janë rritur për 100% faturat e tatimit në pronë për shumë qytetarë.

Nga 1 marsi 2.5 miliardë euro të Trustit Pensional nuk ka kush t’i menaxhojë.

Nga 1 marsi Banka Qendrore e Kosovës nuk ka Guvernator.

Ka një vit që Komisioni i Ndihmës Shtetërore nuk është funksional: miliona euro shpenzime që bëhen me vendime të Qeverisë pa qenë të parapara në ligjin e buxhetit nuk ka kush t’i mbikëqyr.

Por këto janë kaluese e të parëndësishme.

Me rëndësi është që po vazhdon vala 62 e privatizimit!

Së shpejti fillojnë punën edhe Banka Zhvillimore e Fondi Sovran dhe nuk do ketë më krizë!!!