Avokatja mbrojtëse e ish-zëdhënësit të UÇK-së, Jakup Krasniqi ka kërkuar sot para panelit gjyqësor, lirim me kusht për klientin e tij.

”Kemi si synim që të bëjmë një depozitim për lirimin paraprak ose me kusht të tij sa më shpejtë të jetë e mundur”, është shprehur Venkateswari Alagendra.

Ish-zëdhënësi i Ushtrisë Çlirimtare të Kosovës, Jakup Krasniqi, doli sot për herë të parë para Gjykatës Speciale.

Ai në prezantimin e tij të parë dha një deklaratë emocionale ku i përlotur e mbrojti luftën e pastër të Ushtrisë Çlirimtare të Kosovës.