Deputetët e Listës Serbe janë parë sot në Kuvendin e Kosovës, pas pesë muajsh mungesë.

Por të njëjtit, janë larguar pas pak nga salla. Kthimi tyre në Kuvend ishte e “detyrueshme”, ngase në këtë mënyrë do t’u kalonte mandati, shkruan Gazeta Online Reporteri.net.

Prezenca e tyre në Kuvend sot u bë vetëm për të vazhduar mandatin e deputetit edhe për gjashtë muaj.

Sipas Kushtetutës së Kosovës, mandati i deputetit mbaron ose bëhet i pavlefshëm nëse ai mungon 6 muaj rresht në seancat e Kuvendit.

10 deputetët e Listës Serbe e realizuan betimin e deputetit në kohën kur serbët e tjerë po lëshonin institucionet.

Por që nga ajo kohë të njëjtit nuk ishin parë më në Kuvendin e Kosovës. /Reporteri.net/

Pas muajsh mungesë, Lista Serbe rikthehet në Kuvendin e Kosovës