Bajqinovci e quan LDK-në parti të korruptuar, shtet-shkatërruese e mashtruese

Lajme

Bajqinovci e quan LDK-në parti të korruptuar, shtet-shkatërruese e mashtruese

Reporteri

10 Tetor 2020 | 18:36

Deputeti nga rradhët e Lëvizjës Vetëvendosje, Mefail Bajqinovci ka sulmuar sërish ish-partnerin e koalicionit Lidhjen Demokratike të Kosovës.

Bajqinovci nëpërmjet një postimi në rrjetin social Facebook ka komentuar deklaratat e zyrtarëve qeverisës për zhdukjen e fjalës “korrupsion” nga diskurski publik, ka thënë se në të njëjtën ditë është arrestuar nënkryetari i kësaj partie për po këtë vepër penale, njofton Klan Kosova

Bajqinovci ka thënë se kreu i LDK-së, Isa Mustafa, e ka zhvatur buxhetin e qytetarëve, duke marrë pagë nga Universiteti i Prishtinës, pa shkuar asnjëherë në punë.

Lexo edhe:

Peci flet për një “rekord të ri në bujqësi’’, thotë se erdhi edhe për shkak të luftimit të krimit dhe...

Arrestohen dhe dërgohen në mbajtje nënkoloneli dhe kapiteni policor në Pejë, zbardhen detaje

Rizvanolli mohon importin e energjisë nga Serbia: S’ka tregti me ta që nga viti 2020

“Llafazanët e LDK-së, të cilëve duhet t’ua shtrijmë dorën për inteligjencën e mashtrimit të popullit, po vazhdojnë shkatërrimin e shtetit tash e sa vite, madje kësaj radhe duke marrë pushtetin ilegalisht”.

“Le të vjedhin e të shkatërrojnë shtetin sa të munden, sepse kjo është hera e fundit e tyre në pushtet. Le të bëhen bashkë të gjithë, e te shohim se a kanë guxim të garojnë kundër Vetëvendosjes”, ka shkruar ai.

Postimi i plotë i tij:

Parti e korruptuar, shtet-shkatërruese e mashtruese

Derisa po flisnin dje në Kuvend, kinse LDK-ja me qeverinë Hoti ka ndalur korrupsionin, iu arrestua nënkryetari i saj, Haki Rugova, për të vetmen arsye, korrupsion.

Në anën tjetër, kryetari i asaj partie, Isa Mustafa, ka zhvatur paranë e qytetarit të Kosovës që 4 vite, duke marrë pagë nga Universiteti i Prishtinës pa shkuar asnjëherë.

Me këtë qeveri ilegale që po ia mbajnë vetes pro-amerikan, SHBA-ja dhe BE-ja u tërhoqën nga monitorimi i Këshillit prokurorial të Kosovës, pasi sipas tyre ky sistem është shkatërruar.

Llafazanët e LDK-së, të cilëve duhet t’ua shtrijmë dorën për inteligjencën e mashtrimit të popullit, po vazhdojnë shkatërrimin e shtetit tash e sa vite, madje kësaj radhe duke marrë pushtetin ilegalisht.

Le të vjedhin e të shkatërrojnë shtetin sa të munden, sepse kjo është hera e fundit e tyre në pushtet. Le të bëhen bashkë të gjithë, e te shohim se a kanë guxim të garojnë kundër Vetëvendosjes.

Do i mposhtim aq thellë, aq sa shumë prej tyre do të tërhiqen prej jetës politike.

Shpërndaje: