Deputeti i Partisë Demokratike të Kosovës, Mërgim Lushtaku, ka reaguar ashpër në Kuvendin e Kosovës ndaj deputetëve të Lëvizjes Vetëvendosje, të cilët nuk e përkrahën një amendament për financimin e një projekti që ka të bëjë me furnizimin me ujë të Skenderajt.

Lushtaku tha se me një votim të tillë, deputetët e LVV-së e kanë treguar “fytyrën e tyre të vërtetë” dhe se janë kundër Drenicës.

E ndaj tij përmes një postimi në “Facebook”, ka reaguar deputeti i LVV-së, Dimal Basha i tha se “jo buxhetin, por Lushtakut me ia lënë edhe ndërtesën e Kuvendit e shet”.

Basha ka thënë se Mërgim Lushtaku, i dërguar i Sami Lushtakut, ka blerë prona 50 euro arin nga shteti dhe ia ka shitur shtetit 5000 euro arin.

“Ngoni kush po fol për Skenderajn, Lushtaku Jnr, i dërguari i Lushtakut Snr, që komplet 20 vitet e fundit i ka kalu duke ble prona prej shtetit nga 50€ ari, e tu ia shit prap shtetit me nga 5,000€ ari. Ky jo buxhetin, po me ia lanë edhe ndërtesën e Kuvendit e shet me mujt për që mërzitet për dikon”, ka shkruar ai.