Bashkësia Islame lejon të mbahen ceremonitë mortore dhe të pamet

Lajme

Bashkësia Islame lejon të mbahen ceremonitë mortore dhe të pamet

Reporteri

29 Shtator 2020 | 15:25

Bashkësia Islame e Kosovës ka marrë vendim që të lejojë të mbahen ceremonitë fetare.

Në njoftimin e bërë nga BIK thuhet se ky vendim është marrë pas vendimeve të fundit të Qeverisë së Kosovës, ku ka lehtësuar masat antiCovid.

“Në mbledhjen e fundit Kryesia e Bashkësisë Islame të Republikës së Kosovës, pos tjerash shqyrtoi edhe rrethanat lehtësuese lidhur me pandeminë COVID-19 të miratuara nga qeveria e Republikës së Kosovës.

Lexo edhe:

Dy ura të reja do të ndërtohen mbi lumin Ibër, Aliu jep detaje

Prokuroria Speciale lëshon letër-rreshtim ndaj Radoiçiqit dhe 10 të tjerëve për barrikadat në veri të 2022’ës

Suharekë: Përplasje fizike para fillimit të seancës – ndërhyn sigurimi, një i lënduar

Pas analizës së masave të reja të Qeverisë së Republikës së Kosovës vendosi që të pezulloj vendimet dhe rekomandimet e shkresës numër 427/20, datë 14.03.2020, kështu që tash e tutje Këshillave të Bashkësisë Islame në tërë territorin e Republikës së Kosovës u lejohet t’i mbajnë ceremonitë fetare: mësim-besimin, varrimet, ngushëllimet – të pamet, qelimet dhe ceremonitë e tjera përcjellëse”, thuhet në njoftim.

Tutje në njoftim, BIK thekson se “të gjitha këto aktivitete dhe ceremoni fetare i nënshtrohen masave dhe rekomandimeve të IKSHP-së si dhe protokolleve të OBSH-së lidhur me pandeminë COVID 19”.