Zëdhënësi i Bashkimit Evropian, Peter Stano ka reaguar pas kritikave dhe sulmeve të presidentit Hashim Thaçi në drejtim të kryediplomatit sllovak, Miroslav Lajçak, i cili pritet edhe të emërohet si emisar i BE’së për negociatat e paqes Kosovë-Serbi.

Stano nëpërmjet një postimi në Twitter ka thënë se është i befasuar të shoh një reagim të tillë të pasaktë të presidentit Thaçi, duke qenë se procedurat për emërimin e Miroslav Lajçak janë duke vazhduar dhe se ende nuk ka një vendim final, njofton Klan Kosova.

“I suprizuar të shoh një qëndrim të tillë të pa sakt. Procedurat brenda BE-së janë duke vazhduar, nuk është marrë ende asnjë vendim. Asnjë përzgjedhje s’është bërë apo publikuar. FIllimisht procesi duhet të kompletohet, dhe do të tregojmë pastaj zyrtarisht”, ka shkruar Stano në reagimin ndaj presidentit Hashim Thaçi në Twitter.

Kujtojmë se dje Thaçi kishte përgëzuar Miroslav Lajçakun për marrjen e postit të emisarit të BE’së për dialogun Kosovë-Serbi, ndërkohë i kishte thënë se misioni i tij do të jetë i destinuar për të dështuar.

Surprised to see such inaccurate & factually incorrect statement, procedures within the EU are ongoing,no decision was taken, no appointment made nor announced,once the process is completed, we will announce officially @MFAKOSOVO https://t.co/kZWlGyVlpV

— Peter Stano (@ExtSpoxEU) March 21, 2020