Shefi i Zyrës së BE-së në Kosovë, Tomas Szunyog, është shprehur i kënaqur që ka kaluar në lexim të parë në Kuvendin e Kosovës, Projektligji për rimëkëmbjen ekonomike.

Ai ka thënë se shpreson që deputetët e Kosovës të shqyrtojnë komentet e bëra nga Bashkimi Evropian dhe akterët tjerë ndërkombëtarë dhe të bëjnë ndryshimet në lexim të dytë. Fondi Monetar Ndërkombëtar më herët nuk e ka përkrahur idenë e Qeverisë së Kosovës për tërheqjen e 10 për qindëshit nga mjeti i Fondeve Pensionale.

“I kënaqur që Kuvendi i Kosovës më në fund ia ka dal të kalojë Projektligjin për Rimëkëmbje Ekonomike në lexim të parë. Shpresoj që të gjithë deputetët do të shqyrtojnë komentet e bëra nga Bashkimi Evropian dhe akterët tjerë ndërkombëtar në punën e tyre për të finalizuar këtë legjislacion të nevojshëm”, ka shkruar Szunyog në Twitter.

Pleased that the Kosovo Assembly finally succeeded in passing the draft Law on Economic Recovery in the first reading. I hope that the MPs will consider the comments made by the EU and other international actors in their work on finalising this necessary legislation. pic.twitter.com/ruyfn5Fo53

— Ambassador Tomáš Szunyog (@EUAmbKS) October 12, 2020