Analisti politik, Albert Krasniqi, ka publikuar një infografikë, sipas së cilës Bedri Hamza ka dalë kandidati më i pëlqyer për kryeministër brenda elektoratit partiak, duke lënë pas Albin Kurtin e Lumir Abdixhikun, shkruan Reporteri.net.

Infografika është përgatitur bazuar në rezultatet preliminare të zgjedhjeve e numërimit të votave të kandidatëve për deputetë që po vazhdon ende. Bazuar në këto rezultate, Hamza ka marrë mbështetjen e 74 përqind të elektoratit të PDK’së.

“Sipas rezultateve preliminare të zgjedhjeve dhe numërimit në vazhdim, Bedri Hamza del si kandidati më i pëlqyer për kryeministër brenda elektoratit të tij, duke marrë mbështetjen e 74% të votuesve të PDK-së. Ai është i vetmi kandidat që nuk është kryetar partie”, ka shkruar Krasniqi.

Kurti figuron se ka marrë mbështetjen e 65 përqind  të votuesve të VV’së, Abdixhiku 64 përqind të votuesve të LDK’së e Ramush Haradinaj 55 përqind të votuesve të AAK’së./Reporteri.net