Kryetari aktual i Mitrovicës së Jugut, Bedri Hamza, ka konfirmuar se nuk do të jetë kandidat për kryetar të kësaj komune në zgjedhjet e tetorit, shkruan Reporteri.net.

“Unë nuk jam kandidat për kryetar të Mitrovicës në zgjedhjet e ardhshme”, ka deklaruar Hamza në RTV Dukagjini.

Ai tha se PDK ende s’ka propozuar kandidat, por u shpreh se beson se ai do të jetë Arian Tahiri, që aktualisht është nënkryetar i Mitrovicës.

Hamza u shpreh i bindur se PDK do të dalë fituese.

“Unë e përfundoj mandatin dhe ia dorëzoj mandatin kryetarit të ardhshëm. Jam i bindur se PDK do ta vazhdojë qeverisjen në Mitrovicë”./Reporteri.net