Pas vendimit të Gjykatës Kushtetuese rreth vlefshmërisë së votës së deputetit Etem Arifi për zgjedhjen e Qeverisë Hoti, ka reaguar zëvendësministri i MD’së nga radhët e LDK’së, Florian Dushi.

Përmes një postimi në llogarinë e tij në Facebook, Dushi ka publikuar një fotografi me anëtarë të kësaj partie, derisa i ka vënë një mbishkrim që lidhet me vendimin e Kushtetueses.

“Opozita punën e tyre, gjykata punën e saj, e ne, Lidhja Demokratike e Kosovës, punën tonë ✌”, ka shkruar Dushi.

Ndryshe, Gjykata Kushtetuese mbrëmë ka vendosur pro kërkesës së Lëvizjes Vetëvendosje rreth vlefshmërisë së votës së deputetit Etem Arifi për zgjedhjen e Qeverisë Hoti, me çka edhe zyrtarisht vendi do të shkojë drejt zgjedhjeve të reja të parakohshme.