Pas dorëheqjes së Ramush Haradinajt nga pozita e kryeministrit, ka reaguar në Facebook edhe Anton Berisha, zëvendësministër i Jashtëm.

Ai në një postim në Facebook, të shoqëruar me një fotografi me shefin e partisë, ka shkruar se “dorëheqja e kryeministrit Ramush Haradinaj, është tregues se ai dhe AAK, qëllim kryesor e kanë shtetin e Kosovës e jo pushteti”.

“Edhe unë, jam njeri nder ata që kam dhënë dorëheqje nga funksioni shtetëror, dhe besoj e kuptoj drejtë e mirë dorëheqjen e kryetarit tim”, ka shkruar Berisha.

“Ne kemi dëshmuar që nuk lëshojmë pe në temat shtetërore e kombëtare por lëshojmë pe në tema të pozitave shtetërore. Edhe unë, jam njëri nder ata që kam dhënë dorëheqje nga funksioni shtetëror, dhe besoj e kuptoj drejtë e mirë dorëheqjen e kryetarit tim. Kosova âsht gjaku ynë qe nuk falet – thoshte Ali Podrimja. Pozitat shtetërore kanë kuptim vetëm atëherë kur janë në funksion të Kosovës. Sot, Ramush Haradinaj e dëshmoi këtë”, ka shkruar Berisha./Reporteri.net/.