Presidenti i Shteteve të Bashkuara të Amerikës, Joe Biden ka nominuar Jeffrey M. Hovenier për ambassador të SHBA-së në Kosovës.

Kjo është bërë e ditur përmes një njoftimi nga Shtëpia e Bardhë, shkruan Reporteri.net.

Ambasadori i nominuar ka shërbyer edhe më parë në Kosovë si pjesë e Organizatës së Kombeve të bashkuara.

Pas nominimit ambasadorin e ri e ka uruar edhe ambasadori aktual në Kosovë Philip Kosnett.

“Urime kolegut dhe mikut tim Jeff Hovenier për nominim e tij si Ambasadori i ardhshëm i SHBA në Kosovë”, ka shkruar Kosnett në Twitter.

Congratulations to my colleague and friend Jeff Hovenier on his nomination as the next U.S. Ambassador to Kosovo. https://t.co/zKbJa3YgmJ

— Ambassador Philip S. Kosnett (@USAmbKosovo) July 2, 2021

Ndryshe Hovenier është diplomat karriere. Ai aktualisht është zëvendës shef në Ambasadën e Shteteve të Bashkuar në Turqi.

Ambasadori i ri, Hovenier, aktualisht shërben si zëvendësshef i Ambasadës së SHBA’së në Turqi. Më parë si diplomat kishte punuar edhe në Berlinin e Gjermanisë, por edhe në Kroaci, Greqi, Panama, Paraguai dhe Peru.

Hovenier e njeh mirë Kosovën sepse gjatë karrierës së tij diplomatike ishte pjesë e stafit të Dërguarit Special të Kombeve të Bashkuara për Statutin e Kosovës.

Nga Uashingtoni kishte shërbyer si drejtor për Evropën Qëndrore dhe Juglindore në Këshillin e Sigurisë Kombëtare, poashtu edhe në Byronë e Departamentit të Shtetit, për punët (çështjet) e Evropiane dhe Euroaziatike me përgjegjësi për NATO’n dhe Evropës Qendrore.

Në vitin 2018, presidenti i atëhershëm, Hashim Thaçi, kishte dekoruar Hovenierin me Medaljen Presidenciale Jubilare të 10-vjetorit të Pavarësisë, për kontributin e tij në lirinë dhe pavarësinë e Kosovës.