Rastet me COVID-19 në Kosovë në ditët e fundit janë rritur dukshëm.

Gjatë natës së sontme, Instituti Kombëtar i Shëndetësisë Publikë të Kosovës ka njoftuar se janë konfirmuar edhe 96 raste të reja me koronavirus në Kosovë, ndërsa janë shëruar 87 pacientë, shkruan Reporteri.net.

Në 24 orët e fundit, në Kosovë janë regjistruar katër vdekje si pasojë e koronavirusit. Instituti Kombëtar i Shëndetësisë Publike ka bërë të ditur të shtunën se deri tash, si pasojë e COVID-19, në vend kanë vdekur 48 persona.

Nga data 08 shkurt deri më 26 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 23,137 persona të dyshimtë në virusin SARS-CoV-2 dhe prej tyre pozitiv rezultojnë gjithsej 2.590 raste, me 48 raste të vdekjes të cilët kanë pasur sëmundje të tjera shoqëruese.

Numri i të shëruarve në Kosovë është 1,394, ndërsa numri i rasteve aktive është 1,148. /Reporteri.net/