Biseda telefonike mes Bill Clinton dhe Hashim Thaçit pas nënshkrimit të marrëveshjes për demilitarizimin dhe transformimin e UÇK-së

Lajme

Biseda telefonike mes Bill Clinton dhe Hashim Thaçit pas nënshkrimit të marrëveshjes për demilitarizimin dhe transformimin e UÇK-së

Reporteri

21 Qershor 2020 | 22:18

Gazeta Online “Reporteri.net” ka siguruar një letër të plotë të shkëmbimit të mesazheve në vitin 1999, saktësisht të datës 25 qershor, në mes të ish-Presidentit të Shteteve të Bashkuara, Bill Clinton dhe Presidentit të Kosovës, Hashim Thaçit, që në atë kohë ishte udhëheqës i Ushtrisë Çlirimtare të Kosovës.

Clinton kishte përgëzuar Thaçin për demilitarizimin e UÇK-së, duke siguruar atë se do të ofrojë siguri dhe mbrojtje për popullin e Kosovës.

Clinton shprehet i lumtur që në Kosovë po arrihej paqja, duke parashikuar një të ardhme të mirë për popullin, shkruan Reporteri.net.

Lexo edhe:

Nga nesër rrebeshe shiu dhe rrufe, temperaturat bien drejt fundjavës

EULEX’it i vazhdohet mandati teknik, Osmani ia kërkon Kallasit të gjitha dokumentet nga koha kur kishte mandat ekzekutiv

Osmani uron Laura Fazliun për medaljen e bronztë: Vazhdon ta mbajë flamurin e Kosovës lart në arenat më të mëdha...

Bisedat telefonike mes Clintonit e Thaçit:

25 qershor, 1999 – Memorandum për bisedat telefonike
Titulli: Bisedat telefonike me liderin kosovar, Hashim Thacin
Pjesëmarrësit: Presidenti
Lideri kosovar Hashim Thaçi
Interpretuesja: Lindita Imami
Marrësi i shënimeve: Lindita Imami

Data, Koha dhe Veni: 20 qershor, 1999, 6:30 – 6:40 pasdite, Hoteli ‘Hyatt’, Cologne, Gjermani

Presidenti Clinton: Përgëzime (Urime) për nënshkrimin e marrëveshjes për çmilitarizimin dhe transformimin e UÇK-së. Jam shume i lumtur që ndodhi në të njëjtën ditë kur forcat serbe u tërhoqën plotësisht nga Kosova.

Lideri kosovar, Thaçi: Faleminderit. Është një nder që ju po na uroni për çmilitarizimin dhe transformimin e UÇK-së. Për ne ka qenë një kompromis për të punuar drejt paqes dhe qëndrueshmërisë në Kosovë dhe rajon.

Presidenti Clinton: E di. Dhe jam mirënjohës për këtë. Mund të ju siguroj se ne do të bashkpunojmë plotësisht për të sjellë siguri, një forcë policore dhe vetë qeverisje për qytetarët e Kosovës. Kjo është një ditë shumë e rëndësishme për Kosovën. Jam shumë i gëzuar që ne kemi mundur të ndërrojmë drejtimin e pastrimit etnik në Kosovë.

Lideri kosovar, Thaçi: Ky proces është po ashtu si rrjedhojë e përpjekjeve të juaja. Në të kaluarën ne kemi qenë të përkushtuar në procesin e paqes dhe do të vazhdojmë të jemi të përkushtuar. Ne mund të garantojmë se do të respektojmë të drejtat e njeriut si dhe të drejtat e minoriteteve në Kosovë. Ne jemi të përkushtuar për të sjellë lirinë, paqen dhe demokracinë tek të gjithë grupet etnike në Kosovë. Gjithashtu, ne do të punojmë për një ekonomi të pastër dhe të hapur. Biseda jonë e sotme do të jetë si iniciativë drejt këtyre qëllimeve.

Presidenti Cliton: Deklarata juaj për respektimin e të drejtave të njeriut dhe respektimin e të drejtave të minoriteteve është shumë e rëndësishme. Pas vuajtjeve të njerëzve në Kosovë, veprimi i juaj për respektimin e këtyre të drejtave do të ju vërtetoj të gjithëve se premtimi ynë drejt jush është i drejtë. Miloseviç-i nuk është si të tjerët. Ne do të kemi një të ardhme të mirë. Mezi pres të të takoj ty dhe admiroj udhëheqjen tënde.

Lideri kosovar, Thaçi: Faleminderit Zotri President. Beteja jonë e re që po na pret është kthimi i refugjatëve, rindërtimi, themelimi i shoqërisë civile dhe mbajtja e zgjedhjeve të lira dhe të pastërta. Ne do t’a bëjmë këtë përmes mekanizmave tonë por gjithashtu edhe me ndihmën dhe mbështetjen tuaj. Ju dëshiroj shëndet të mirë dhe suksese në punën dhe jetën tuaj.

Presidenti Clinton: Faleminderit. Mirupafshim.