Gjeneralmajor Bashkim Jashari është emëruar sot komandant i ri i Forcavve të Sigurisë së Kosovës (FSK).

Lidhur me këtë, profesori universitar Blerim Latifi ka thënë se ky është një vendim 100% i mirë.

“Bashkim Jashari, komandanti i ri i Ushtrisë së Kosovës. Vendim i mirë, 100 %”, ka shkruar ai në Facebook, shkruan Gazeta Online Reporteri.net.

Jashari mori këtë pozitë pas dorëheqjes së komandantit Rrahman Rama. Sipas raportimeve, Rama e ka dorëzuar dorëheqjen në Presidencë dhe i njëjti do të marrë një pozitë tjetër që lidhet me bashkëpunimin me NATO-n.

Bashkim Jashari i përket familjes së komandantit legjendar Adem Jashari, përkatësisht është djali i Rifat Jasharit. /Reporteri.net/