Tri bomba gjermane të llojit SC-50 të Luftës së Dytë Botërore janë gjetur të martën gjatë punimeve në rrugën Prishtinë-Podujevë, saktësisht në fshatin Shakovicë.

Forca e Sigurisë së Kosovës ka njoftuar se bombat 50 kilogramëshe janë larguar në një vend të sigurt nga ekipet e deminimit të Gardës Kombëtare të Forcës së Sigurisë së Kosovës dhe të ekipit të EOD-së, nga kampi Bondsteel i ushtrisë amerikane.

Të njëjtat do të demolohen sipas planifikimeve, thuhet në njoftim.