Shefi i Politikës së Jashtme, Josep Borrell, ka folur për Planin e Zgjerimit të BE-së për vitin 2025, teksa ka përmendur si pjesë e saj edhe shtetet e Ballkanit Perëndimor.

Në një konferencë për shtyp të mërkurën për raportet vjetore të progresit për vendet që synojnë anëtarësimin në BE, Borrell ka deklaruar se në qendër të Planit të Zgjerimit, e kanë vënë sundimin e ligjit, raporton gazeta online Reporteri.net.

“Tani ne po kërkojmë gjithashtu një lidhje të fortë në politikën e sigurisë së jashtme, duke përfshirë partnerët tanë në prioritetet tona kryesore, duke qëndruar zyrtarisht dhe duke mbrojtur vlerat tona për të siguruar stabilitetin rajonal. Sepse unioni ynë nuk duhet të jetë më i madh, por duhet të rritet duke u fuqizuar, mund të jesh më i madh apo më i gjerë, por nuk mund të jesh më i fuqishëm. Ne i duam të dyja ne duam të përfshijmë fqinjët tanë, dhe të bëhemi të gjithë së bashku të forte. Dhe thjesht nuk mund të ruani lidhjet me Rusinë ose të përpiqeni të bëni biznes si zakonisht, dhe të prisni që vendi juaj të jetë pjesë e BE-së. Është një gjë apo tjetra. Me kalimin e viteve, ne kemi parë se një bashkëpunim i zakonshëm për politikën e sigurisë së jashtme, është treguesi më domethënës i faktit se kandidati vlerëson vlerat tona dhe orientimet tona gjeopolitike”, ka thënë Borrell.

Po ashtu, Borrell ka thënë Maqedonia, Shqipëria, Mali i Zi, Bosnja e Kosova, janë partnerët që plotësisht rreshtohen me politikën e tyre të përbashkët të sigurisë së jashtme.

“Ndër vite kemi parë rreshtim të politikës sonë të jashtme, është indikacioni më i rëndësishëm i kandidatëve që ndajnë vërtet vlerat dhe orientimet politike. Disa nga partnerët tonë janë plotësisht të rreshtuar me politikën tonë të jashtme të sigurisë. Mund të përmendi Maqedoninë e Veriut, Shqipërinë, Malin e Zi, Bosnjë e Hercegovinën dhe Kosovën, e cila është duke u rreshtuar vullnetarisht”.

/Reporteri.net/.