Pas sulmeve në aeroportin e Kabulit, deri tani raportohet të kenë mbetur të vrarë 12 ushtarë amerikan.

Të paktën 60 afganë dhe 12 ushtarë amerikan u vranë në aeroportin e Kabulit, të enjten, kur dy shpërthime goditën turmat që përpiqeshin të hynin në objektin e kontrolluar nga amerikanët, përcjellë Gazeta Online “Reporteri.net“.

Sulmi ndaj personelit amerikan shënoi ditën më të keqe për ushtrinë amerikane në Afganistan që nga viti 2011.

Ndërsa, presidenti i ShBA-ve, Joe Biden do të flas në orën 17:00 nga Washingtoni, për situatën në Afganistan.

“SHBA planifikon të vazhdojë me evakuimin e qytetarëve amerikanë dhe afganëve aleatë”, u tha gazetarëve gjenerali i Trupave Detare të ShBA-ve, Frank McKenzie, i cili aktualisht shërben si komandanti i 14 -të i Komandës Qendrore të Shteteve të Bashkuara./Reporteri.net/