Një vajzë e re nga Ukraina humbi gjysmën e fytyrës kur shoqja e saj më e mirë aksidentalisht e qëlloi në fytyrë me një armë gjahu, transmeton Reporteri.net.

Polina Gordik, 17 vjeç, u transportua në një spital me lëndime të rënda në kokë pas një aksidenti të çuditshëm në një fshat në rajonin e Zaporozhyes.

Ajo ishte në festë tek një shoqe kur Veronica, 16 vjeç, nxori pushkën e gjuetisë së babait të saj me idenë për të bërë fotografi me të, mirëpo gjithçka shkoi keq.

Plumbi e goditi Polinën afër hundës dhe ia theu kockat e fytyrës. Pas një operacioni të ndërlikuar shtatë-orësh, ajo u mbajt në kujdes intensiv me lëndime të rënda, por megjithatë jashtë rrezikut për jetë.

https://twitter.com/ScallywagNYC/status/1168653315305091074

Mjekët gjithashtu u detyruan t’ia hiqnin njërin sy sepse ishte shumë i dëmtuar. Polina është e vetëdijshme por nuk mund të flasë dhe të komunikojë.

Policia ka nisur një hetim kundër Veronicas dhe prindërve të saj për shkaktimin aksidental të dëmit të rëndë trupor. /Reporteri.net