Në 24 orët e kaluara janë regjistruar 65 raste të reja me coronavirus, derisa tre persona kanë vdekur si pasojë e virusit, njoftoi Shtabi i Krizave i Kroacisë.

Kroacia aktualisht ka 855 raste aktive. Prej tyre, 142 pacientë janë në spital dhe nëntë janë në respiratorë.

Që nga 25 shkurti, data kur është regjistruar rasti i parë me Covi-19 në Kroaci, janë regjistruar gjithsej 4,857 persona të infektuar, nga të cilët 136 kanë vdekur dhe 3.866 janë shëruar.

Vendi aktualisht i ka futur 3,271 njerëz në vetizolim. Deri më tani, janë testuar gjithsej 112.003 persona, nga të cilët 1.489 në 24 orët e fundit.