Në Itali, në 24 orët e fundit janë regjistruar 727 vdekje,  që do të thotë 110 më pak sesa  dje.

Kjo e rriti numrin e përgjithshëm të vdekjeve në atë vend në 13.155, transmeton Reporteri.net.

Mjekët italianë kanë ngritur shpresën, se të paktën numri i të infektuarve është në rënie, pavarësisht një shkalle ende të lartë të vdekshmërisë. Megjithatë, sot situata është përmbysur dhe numri i infektimeve  të reja është rritur në 4,782, ndërsa numri i të vdekurve është zvogëluar.

Numri i rasteve është në rritje dhe në rajonin më të prekur të Lombardisë. Janë regjistruar pothuajse 500 raste më shumë se dje, ose 1.565.

Guvernatori i Lombardisë, Atilio Fontana beson se pandemia tani ka arritur kulmin. /Reporteri.net