Pamjet e kamerave të sigurimit nga Kina kapën momentin kur një djalë tetë vjeçar sulmoi dhunshëm një vajzë dyvjeçare për të vjedhur çokollatat që mbante në duar.

Më 5 maj, një djalë i quajtur Zhuang hyri në shtëpinë e një vajze që po luante vetëm. Ai dyshohet se i kërkoi asaj t’i jepte  ëmbëlsirat që ajo hante dhe mbante në duar, dhe kur ajo refuzoi, ai filloi ta rrihte. Ai e goditi dy herë dhe iku kur gjyshi i saj filloi të bërtiste.

Vajza ka pësuar një dëmtim në kokë dhe ka humbur katër dhëmbë dhe vlerësohet se do të shërohet për dy muaj.

Next Shark raporton se prindërit e Zhuang fillimisht mohuan përfshirjen e djalit të tyre në sulm derisa panë videon e diskutueshme të postuar në rrjetin Weibo. Kur ata u përballën me djalin e tyre dhe e pyetën pse e bëri këtë, ai u përgjigj: “I rrah të tjerët kur të dua”.

Nëna e dy vjeçares tha se familja nuk kishte pasur kurrë një problem me familjen e Zhuang, e cila pranoi se nuk mund të përballonte të paguanin dëmshpërblim dhe iu lut familjes së vajzës së sulmuar që të mos e raportonte sulmin në polici. Megjithatë, prindërit e vajzës raportuan për sulmin sepse prindërit e Zhuang nuk donin të kërkonin falje, kështu që çështja tani është nën hetim.

Përdoruesit e Weibo kanë kritikuar ligjet e Kinës për krimin e të miturve dhe disa kanë sugjeruar se djali mund të ketë çrregullim të personalitetit antisocial.