Administrata Trump e ka mbyllur aplikacionin kufitar të quajtur “CBP One”, përmes së cilit emigrantët lejoheshin të hynin legalisht në Shtetet e Bashkuara të Amerikës, raporton CNN, përcjell Reporteri.net.

Siç raporton ky medium, me këtë veprim mbyllet rruga kryesore për njerëzit që donin të shkonin në ShBA.

Zyrtarët e Sigurisë Kombëtare kanë përmendur aplikacionin qe ndihmon në uljen e kalimeve të emigrantëve duke ofruar një mënyrë të rregullt për të aplikuar në Shtetet e Bashkuara. Me mbylljen e këtij aplikacioni dhe kufizimet e azilit në fuqi, kufiri në mënyrë efektive mbyllet për azilkërkuesit.

Ndryshe, Donald Trump u betua sot si president i Shteteve të Bashkuara të Amerikës. Këtë post, ai e mbajti edhe nga viti 2017 deri më 2021.

Në fjalimin inaugurues, ai e paralajmëroi këtë, ku deklaroi emergjencë kombëtare në kufirin me Meksikën.

Trump ka deklaruar se çdo hyrje e paligjshme do të “ndalet menjëherë”, duke shtuar se qeveria do të fillojë procesin e kthimit të miliona “të huajve kriminalë” në vendet nga kanë ardhur./Reporteri.net

Trump merr vendimin e parë si President: Deklaroj emergjencën kombëtare në kufijtë jugor të ShBA’së