Gjykata Supreme në Amerikë është evakuar pas alarmit për dyshime se është vendosur një bombë në Capitol Hill. Po ashtu, është mbyllur edhe Libraria e Kongresit pasi që një person me kamionit është parkuar jashtë bibliotekës dhe deklaroi se ka një bombë brenda.

Edhe një pjesë e Shtëpisë së Bardhë është evakuar për shkak të dyshimit për bombë.
Policia e Capitol Hill-it në Tëitter ka shkruar që “të gjithë të qëndrojnë larg kësaj hapësire”.

“Është një investigim i kërcënimit aktiv me bombë”, shkroi Policia e Captiolit në Twitter, raporton CNN, përcjellë Gazeta Online “Reporteri.net”.

“Negociuesit janë duke punuar shumë për të pasur një zgjidhje paqësore të këtij incidenti”, tha kryepolici i Policisë së Capitolit për gazetarët, Chief Tom Manger.

Tutje Manger tregoi se menjëherë pas lajmit për bombë janë evakuar të gjithë personat në objektet përreth.

I dyshuari për vendosjen e bombës është një amerikan nga Karolina e Veriut sipas zyrtarëve të policisë amerikane.

Personi që dyshohet për vendosjen e bombës, sipas mediave amerikane, është duke thirrur parulla anti qeveritare.

Zyrtarët thanë se burri pretendonte se kishte një rezervuar me propan brenda kabinës së kamionit.

Dy zyrtarë të policisë i thanë televizionit amerikan NBC se shoferi po komunikon me autoritetet duke shkruar në një dërrasë që kishte në automjet.