Tetë persona vdiqën dhe dhjetë të tjerë u plagosën në të shtëna në një tempull të Dëshmitarëve të Jehovait në Hamburg.

Bild raporton se i dyshuari për sulmin është Philip F, 35 vjeç, transmeton Reporteri.net.

Policia ka caktuar një konferencë për media ku do të japin më shumë detaje për këtë sulm.

Sulmuesi, i cili dyshohet se është ish-pjesëtar i këtij komuniteti, mbrëmë rreth orës 21:00 ka hyrë në ambientet e Dëshmitarëve të Jehovait dhe ka nisur të vrasë njerëz duke shtënë me breshëri plumbash.

Acht Tote nach Bluttat in Hamburg – Philipp F. (35) drückte immer wieder ab https://t.co/30Zzws0UPW #Hamburg #Nachrichten #News

— BILD Hamburg (@BILD_Hamburg) March 10, 2023

Policia tha mëngjesin e sotëm se sulmuesi ndoshta ishte në mesin e tetë të vrarëve, por nuk e bëri të ditur identitetin e tij.

Sipas revistës Spiegel, ai është një ish-anëtar i Dëshmitarëve të Jehovait. Para krimit ai nuk ishte në dosje në polici, ndaj nuk etiketohej si ekstremist.

Philipp F., siç raportohet, u rrit në në një familje rreptësisht fetare. Pas mbarimit të shkollës së mesme, ai u trajnua si nëpunës banke në një bankë private gjermane.

Më pas studioi për administrim biznesi dhe pas qëndrimeve të ndryshme jashtë vendit u vendos në Hamburg. Kohët e fundit ka punuar në një qendër biznesi.

Në faqen e internetit të kompanisë së tij ai e përshkruan veten si “multikulturor” dhe “evropian me vetëbesim”.

Deri më tani nuk dihen motivet e vrasjes. /Reporteri.net/