Asnjë udhëtar i huaj nuk do të lejohet të kryejë Haxhin këtë vit pasi Arabia Saudite kufizoi pelegrinazhin vjetor për qytetarët dhe banorët dhe vendosi një maksimum prej 60 mijë pelegrinëve në përgjigje të pandemisë së koronavirusit.

“Ata që dëshirojnë të kryejnë Haxhin duhet të jenë të lirë nga sëmundjet kronike, të vaksinohen dhe të jenë midis moshës 18 dhe 65 vjeç” tha ministria në një deklaratë të shtunën, raporton AlJazeera, transmeton Klankosova.tv.

Këtë vit pelegrinazhi pritet të fillojë në mes të korrikut.

Arabia Saudite deri më tani ka regjistruar më shumë se 463 mijë infeksione me koronavirus, përfshirë shtatë mijë e 536 vdekje.

Kufiri për pelegrinët e Umres është 20 mijë në ditë, me një total prej 60 mijë adhuruesish të lejuar të kryejnë lutje ditore në xhami.