Një nga të dyshuarit si autor i sulmit terrorist në Bataclan në Paris në nëntor të 2015-ës, ku humbën jetën 130 të rinj dhe mbi 300 të tjerë u plagosën, është arrestuar nga forcat speciale në Gjermani.

Bëhet fjalë për një boshnjak 39 vjeçar ndaj të cilit ishte lëshuar një mandat arresti evropian.

I arrestuari aktualisht po mbahet në paraburgim, dhe është në pritje të ekstradimit në Belgjikë. Lajmi është konfirmuar nga prokuroria e Dresden.

Boshnjaku akuzohet për mbështetje të një organizate terroriste në lidhje me sulme terroriste përfshirë dhe atë të Bataclan në Paris.

Arrestimi u krye pas hetimeve për shkelje të ligjit për armëmbajtje ku ishin përfshirë dy bashkëatdhetarë të tij. Operacioni për arrestimin e boshnjakut u krye nga forcat speciale.

Në momentin e arrestimit ai nuk kishte armë me vete.