Shëndeti i Alexei Navalnyt po përkeqësohet dhe ka filluar të humbasë ndjesinë në duar dhe këmbë, tha avokati Vadim Kobzev.

Ai tha se opozitari rus, i cili është duke vuajtur një dënim me burg, u diagnostikua me hernie kurrizore.

Pas vizitës së djeshme tek kritiku më i madh i Kremlinit, Kobzev shkroi në Twitter se ai ndjen dhimbje gjatë ecjes dhe shprehu shqetësimin se sëmundja e tij “dukshëm ka avancuar” në kuptimin e humbjes së ndjenjave në këmbë.

“Aleksi ecën vetë. Ndjen dhimbje gjatë ecjes. Një faktor shumë shqetësues është se sëmundja po përparon dukshëm për sa i përket humbjes së ndjeshmërisë në këmbë, pëllëmbë dhe duar”, pohoi avokati, transmeton Telegrafi.

Алексей ходит сам. При ходьбе испытывает боль. Очень тревожным фактором является то, что заболевание явно прогрессирует в части потери чувствительности ног, ладоней и кистей рук.

— Вадим Кобзев (@advokatkobzev) April 7, 2021

Navalny, i cili po vuan një dënim me dy vjet e gjysmë burg, filloi një grevë urie javën e kaluar në shenjë proteste ndaj asaj që tha se ishte refuzimi i autoriteteve të burgut për ta trajtuar siç duhet për dhimbje akute të shpinës dhe këmbës.

IEVP mohoi pretendimet e tij, duke deklaruar se iu dha e gjithë ndihma mjekësore në përputhje me indikacionet.