Zgjedhjet në Shtetet e Bashkuara të Amerikës kanë vënë përballë dy kandidatët kryesorë për president, Donald Trump dhe Joe Biden.

Së fundmi ka qenë Donald Trump që ka mbajtur një konferencë për elektoratin e tij duke thënë se ka fituar zgjedhjet, megjithëse votat vijojnë të numërohen.

“Po bëhem gati për një festim të madh, rezultatet janë fenomenale. Fituam në Florida, në Pensilvani, është sukses i madh. Është e qartë, ne kemi fituar në Georgia dhe Karolinën e Veriut. Jam i suprizuar nga rezultatet në Michigan, kemi fituar aty. Florida ishte një histori suksesi, fituam në Ohio po ashtu”, U SHPREH AI.

Sipas sondazheve kombëtare, Biden kryeson në garën për president, në raport me Trump i cili nëse humbet do të jetë i treti president në SHBA në katër dekadat e fundit që nuk rizgjidhet për një mandat të dytë.