Presidenti i SHBA-së, Joe Biden ka mbërritur në Tel-Aviv në mes protestave pas shpërthimit vdekjeprurës në një spital në Gaza, ndërsa zyrtarët izraelitë dhe palestinezë shkëmbejnë akuzat se kush ishte fajtori.

Shpërthimi shënon një fazë të re të rrezikshme në luftën e Izraelit me Hamasin, e cila kërcënon të përhapet në rajon, raporton CNN.

Me vizitën e tij, Biden kërkon të demonstrojë mbështetje të vendosur për Izraelin, ndërsa ai punon për të eliminuar Hamasin, duke kërkuar gjithashtu mënyra për të lehtësuar vuajtjet humanitare në Gaza.

Biden do ta fillojë vizitën e tij duke u takuar me kryeministrin Benjamin Netanyahu, i ndjekur nga një takim më i gjerë me kabinetin e luftës të Izraelit.

Kujtojmë se Biden anuloi të martën një ndalesë të planifikuar në Jordani si pasojë e shpërthimit në një spital në Gaza që vrau rreth 500 palestinezë. /Reporteri.net/