Rënia e një ure të vogël përgjatë vijës hekurudhore shkaktoi vdekjen e të paktën pesë personave në Bangladesh, duke plagosur njëqind të tjerë.

Pesë vagona janë zhvendosur nga shinat dhe njëri ka përfunduar në një kanal. Sipas autoriteteve, rënia e urës ka ardhur si pasojë e peshës.

Pas aksidentit në Kulaura, në veri-lindje të vendit, trafiku hekurudhor mes kryeqytetit Daka dhe rajoneve veriore është pezulluar.

Të paktën 21 prej të aksidentuarve në spitalin Sylhet janë në gjendje të rëndë.