SHBA vijon të përballet me një krizë të rënduar për shkak të Covid-19.

Deri më tani në vend janë shënuar 7,403 viktima.

Të premten e 3 prillit, rreth1,100 vpersona humbën jetën, numri më i lartë brenda një dite deri tani.

Në qytetin e Nju Jorkut janë regjistruar mëse 1,584 të vdekur që nga fillimi i pandemisë. Pandemia ka infektuar më shumë se një milion njerëz në të gjithë botën.

Rritje të frikshme ka pësuar dhe numri i të infektuarve e cila ka shkuar në 277,552.

Edhe ekonomia amerikane është goditur rëndë nga pandemia pasi vetëm në muajin mars u mbyllën 701,000 vende pune.

Ndërkohë ambasada shqiptare në SHBA bën me dije se mes viktimave nga Covid-19 në SHBA janë edhe nëntë anëtarë të komunitetit shqiptar. Nga këta janë tre nga Shqipëria, katër nga Maqedonia e Veriut dhe dy nga Mali i Zi.