Një shkollë në Suedi është bllokuar plotësisht pas raportimeve për të shtëna me armë.

Sipas raportimeve thuhet se të shtënat erdhën nga një armë e llojit “automatik”.

Policia suedeze veçse ka konfirmuar se i janë përgjigjur thirrjes për kërcënim me sulm vdekjeprurës në shkollën “Risbergska” në qytetin Orebro.

Sipas njoftimit pesë persona janë qëlluar nga arma e zjarri dhe gjendja e tyre shëndetësore nuk dihet ende.

Po ashtu në mesin e të lënduarve në këtë rast është edhe një zyrtar policor.

Raportohet se pesë persona janë qëlluar me armë zjarri në një shkollë në Suedi

Media suedeze Atfonbladet raporton se spitalet lokale janë duke u përgatitur për një fluks pacientësh – me dhomat e emergjencës dhe njësitë e kujdesit intensiv që po kompletohen me mjetet e nevojshme.

E banorët e zonës “Vasthaga” janë urdhëruar që të futen nëpër strehimore apo të mos dalin nga shtëpitë e tyre.