Kryeministri i Greqisë, Kyriakos Mitsotakis dhe gruaja e tij Mareva do të marrin vaksinën kundër koronavirusit më 28 dhjetor.

Vaksinimi i tyre, do të bëhet “live” në Spitalin Evangelismos. Me këtë lëvizje, kryeministri do të dërgojë mesazhin se vaksina është e sigurt dhe se edhe ata që kanë rezerva mund të vaksinohen. Ndërkohë Dimitris Pistolas, drejtori i Shërbimit Infermieror në Spitalin Evangelismos, do të jetë vaksinuar para kryeministrit.

“Shumicën e kohës përpiqem të qëndroj si një profesionist i fortë në mënyrë që të duroj dhe të jap kurajo. Mendërisht brenda jam i thyer. Ne qëndrojmë në këmbë për të ndihmuar”, shprehet Dimitris Pistolas.