Kanadaja, Meksika dhe SHBA-ja kanë ekonomi të integruara thellësisht, me një vlerë prej 2 miliardë dollarësh mallra të prodhuara që kalojnë kufijtë çdo ditë, përcjell Gazeta Online Reporteri.net.

Dhoma Kanadeze e Tregtisë tha se taksat do të kishin “pasoja të menjëhershme dhe të drejtpërdrejta në jetesën kanadeze dhe amerikane” dhe “do të rrisin në mënyrë drastike koston e gjithçkaje për të gjithë”.

Sektori i prodhimit të makinave mund të goditet veçanërisht rëndë. Pjesët kalojnë disa herë kufijtë e SHBA-së, Kanadasë dhe Meksikës përpara se të montohet një automjet përfundimtar.

TD Economics sugjeroi se taksat e importit mund të rrisin çmimin mesatar të makinës në SHBA me rreth 3,000 dollarë, ndërsa Shoqata Kombëtare e Ndërtuesve të Shtëpive tha se kostot e strehimit mund të rriten.

Ekonomistët kanë paralajmëruar vendosjen e taksave të importit nga SHBA, dhe përgjigjet nga vendet e tjera, mund të çojnë në rritjen e çmimeve në një gamë të gjerë produktesh, nga makinat, lëndë druri dhe çeliku te ushqimi dhe alkooli.

/BBC/