Intervista e Donald Trump me Oprah Winfrey në vitin 1988 po shpërndahet në rrjetet sociale sepse ai foli  që atëherë për atë që po e praktikon tani. Në intervistë, Trump bëri kritika të ashpra për praktikat e padrejta tregtare dhe aleatët si Japonia dhe Kuvajti.

“Aleatët duhet të paguajnë pjesën e tyre të drejtë. Ne jemi një komb debitorë. Diçka do të ndodhë me këtë vend në vitet e ardhshme, sepse ne nuk mund të vazhdojmë të humbasim dyqind miliardë dollarë çdo vit, ndërkohë që ne lejojmë Japoninë të hyjë dhe të hedhë të gjitha produktet e saj në tregun tonë. Kjo nuk është tregti e lirë.”

Kritika e tij ndaj praktikave tregtare japoneze ishte e prerë: “Nëse shkon në Japoni dhe përpiqesh të shesësh diçka, harroje. Është pothuajse e pamundur. Ata nuk kanë ligje kundër saj, por thjesht e bëjnë të pamundur”, transmeton gazeta online Reporteri.net.

“Kuvajt – jetoni si mbretër pa paguar”

Trump iu referua edhe Kuvajtit, duke e akuzuar atë vend për përdorimin e mbështetjes amerikane pa kompensim adekuat: “Në Kuvajt, ata jetojnë si mbretër. Njeriu më i varfër në Kuvajt jeton si mbret, e megjithatë ata nuk paguajnë. Ne i lejojmë ata të shesin naftën e tyre. Pse nuk na paguajnë njëzet e pesë për qind të asaj që fitojnë? Kjo është një shaka.”

Donald Trump on the Oprah Winfrey show in 1988. He was right about everything. pic.twitter.com/Jm3I58ILzU

— End Wokeness (@EndWokeness) August 22, 2024

Ambiciet presidenciale

I pyetur nga Oprah Winfrey nëse do të kandidonte ndonjëherë për president, Trump tha se ndoshta nuk do ta bënte, por shprehu zhgënjimin me mënyrën se si Shtetet e Bashkuara trajtohen në tregtinë ndërkombëtare. Ai theksoi se është lodhur duke parë se vendi po përfitohet dhe se është i kënaqur me atë që po bën aktualisht. Megjithatë, ai shtoi se nëse do të kandidonte ndonjëherë, ai beson se do të fitonte sepse nuk hyn kurrë në një garë për të humbur. ,

“Nëse gjërat do të shkonin kaq keq, nuk do ta përjashtoja plotësisht. Jam shumë i lodhur nga ajo që po ndodh me këtë vend. Dhe nëse do të kandidoja, mendoj se do të fitoja. Nuk do të hyja në garën për të humbur,” tha ai.

Retorika e Trump rreth aleatëve që “përfitojnë” nga SHBA ka ngritur shqetësime midis partnerëve ndërkombëtarë. Sugjerimet e tij që aleatët “të paguajnë pjesën e tyre të drejtë” mund të dëmtojnë marrëdhëniet diplomatike dhe marrëveshjet tregtare, komentuan ata në atë kohë.

Nga fjalët në vepra

Si president, Trump zbatoi pikërisht atë që propozoi në 1988: ai vendosi tarifa të rënda për importet nga pothuajse e gjithë bota./Reporteri.net/