Kryeministri britanik Boris Johnson ka bërë sot një premtim në lidhje me luftën për parandalimin e COVID-19.

Kryeministri britanik Boris Johnson është zotuar se programi i gjurmimit të kontaktit për COVID-19 në Mbretërinë e Bashkuar do të jetë në fuqi deri më 1 qershor, në dukje duke kundërshtuar një nga ministrat e tij që kishte thënë më herët se skema nuk do të ishte aq e përhapur “siç do të donim” deri në atë date, raporton Cnn, transmeton lajmi.net.

Johnson u tha deputetëve gjatë pyetjeve të Kryeministrit se 25,000 gjurmues do të ishin në gjendje të gjurmonin kontaktet e 10,000 rasteve të reja çdo ditë.

“Dhe për të kuptuar rëndësinë e kësaj statistike, unë thjesht duhet t’i kujtoj atij se sot rastet e reja janë në 2400,” tha Johnson.

“Pra, ne po bëjmë përparim të shpejtë në testimin dhe gjurmimin dhe kam besim të madh që, deri më 1 qershor, do të kemi një sistem që do të na mundësojë, që do të na ndihmojë shumë, për të mposhtur këtë sëmundje dhe për të ecur përpara vendin”.