Një foshnje vetëm 37 ditëshe ka humbur jetën në Greqi për shkak të coronavirusit, duke e bërë dhe viktimën më të re të shënuar ndonjëherë në vendin fqinj. Mediat greke tregojnë se foshnja u dërgua në spital kur ishte vetëm 16 ditëshe, ku iu nënshtrua testit të coronavirusit e nga ku rezultoi pozitiv.

Ai ka qëndruar në intubim deri mëngjesin e të dielës, kohë kur fatkeqësisht ndëroi jetë. Për ngjarjen e dhimbshme ka reaguar edhe kryeministri grek Kyriakos Mitsotakis, duke shprehur ngushëllimet për familjen, dhe një rikujtesë se virusi nuk bën dallime: Sot hidhërimi është i padurueshëm!

Fatkeqësisht sot kemi pasur viktimën më të re të pandemisë në vendin tonë. Një foshnjë që kaloi 17 nga 37 ditët e tij duke luftuar coronavirusin. Virusi nuk bën dallime, por sot hidhërimi është i padurueshëm. I shpreh ngushëllimet më të sinqerta familjes së tij.

Në Greqi janë në total 206,281 raste me koronavirus dhe 6797 viktima, që nga shpërthimi i pandemisë.