Këto janë pamjet në qendrën tregtare Bondi Junction Westfield në Sidnei që tregojnë se një burrë po lëviz me një thikë në dorë.

Njerëzit që ndodheshin aty teksa kanë parë sulmuesin janë munduar që të dalin me vrap sa më parë nga qendra.

Si pasojë e sulmit, raporton “The Guardian”, gjashtë persona kanë mbetur të vdekur, përfshirë sulmuesin, i cili është neutralizuar nga policia australiane.

Disa persona të tjerë janë në gjendje të rëndë shëndetësore.

Ndërsa në rrjete sociale po qarkullojnë video të shumta të filmuara nga dëshmitarët e rastit. Disa prej tyre shfaqin vizitorët të frikësuar, e disa tregojnë se si të tjerë u përpoqën t’i rezistonin sulmuesit.

Pamjet ku shfaqet njëri nga vizitorët duke i dalë përpara sulmuesit për ta ndaluar të kryejë krime e kanë pushtuar internetin. Ky person nga shteti australian po konsiderohet hero pasi duke e bllokuar sulmuesin ka shpëtuar qindra jetë.