Të paktën 53 persona janë konfirmuar të vdekur dhe 62 të plagosur pas një tërmeti të fortë që goditi rajonin malor të Tibetit në Kinë, të martën në mëngjes, njoftuan mediat shtetërore kineze.

Tërmeti që goditi qytetin e shenjtë Shigatse të Tibetit në orët e mëngjesit kishte një magnitudë 7.1 ballë dhe një thellësi prej 10 kilometrash, sipas të dhënave nga Shërbimi Gjeologjik i SHBA-së, i cili gjithashtu tregoi një seri të pasgoditjeve në zonë.

Lëkundjet u ndjenë edhe në Nepalin fqinj dhe pjesë të Indisë.

Tërmetet janë të zakonshme në rajon, i cili shtrihet në një vijë të thyer gjeologjike.

#Tibet Özerk Cumhuriyetinde 6.8 şiddetinde #deprem meydana geldiği bildirildi. pic.twitter.com/4smynMsK5i

— Muslim Port (@muslimportcom) January 7, 2025

Shigatse konsiderohet si një nga qytetet më të shenjta të Tibetit. Është selia tradicionale e Panchen Lama, një figurë kyçe e budizmit tibetian, autoriteti shpirtëror i të cilit është i dyti vetëm pas Dalai Lamës.

Qarku Tingri, pranë epiqendrës së tërmetit, është një bazë popullore për alpinistët që përgatiten të ngjiten në malin Everest.

Udhëtimet turistike të malit Everest në Tingri, të planifikuara fillimisht për të martën në mëngjes, janë anuluar, tha një staf i turizmit për mediat lokale, duke shtuar se zona e turizmit është mbyllur plotësisht./Reporteri.net/