Kryeministrja e Danimarkës u ka bërë thirrje liderëve të botës që të përdorin pandeminë si thirrje për t’i dhënë fund pabarazisë.

Kryeministrja daneze, Mette Frederiksen, në një fjalim në Asamblenë e Përgjithshme të Kombeve të Bashkuara, ka deklaruar se virusi ka shpërfaqur pabarazinë e rëndë që ekzistonte në botë.

Ajo ka bërë thirrje për fundin e pabarazisë që, sipas saj, nëse nuk ndodh, një të ardhme të afërt do të shtyjë drejt konflikteve.

Ajo gjithashtu ka përmendur edhe krizën e refugjatëve.

Ka kërkuar nga shtetet e botës që të bëjnë reforma në sistemin e azilit për t’i ndihmuar shtetet në përballimin e fluksit të madh dhe për t’i dhënë fund trafikimit me qenie njerëzore.