Pas një sulmi me armë në Gjermani, ku mbetën të vdekur dy persona dhe u plagos një qytetar, Policia është vënë në kërkim të atentatorit.

Të enjten e 17 qershorit, Espelkamp, një qytet me rreth 20 mijë banorë u bë dëshmitar i një atentati. Qyteti ndodhet në shtetin perëndimor të Nordrhein-Westfalen.

Policia në Gjermani është duke kërkuar për një person të armatosur, i cili thuhet se vrau dy persona dhe plagosi rëndë një tjetër në një qitje me armë, shkruan Albanianpost.com.

Gazeta ‘Bild’ citoi policinë të thoshte se personi i përfshirë në atentat “vraponte jashtë kontrollit” në qendër të qytetit perëndimor të Espelkamp.

Ajo tha se komandot speciale të policisë ishin në vendin e ngjarjes.

Raportet fillestare thanë se një person ishte vrarë, dhe policia më vonë tha se një person i dytë kishte vdekur.